وزارت صحت عامه افغانستان از لت‌وکوب پرسونل صحی شفاخانه افغان‌جاپان از سوی پایوازان یک قربانی کووید۱۹خبر می‌دهد.

وحیدالله مجروح، معین عرضه خدمات صحی وزارت صحت عامه می‌گوید بستگان بیماری که به دلیل ویروس کووید۱۹ جان داده بود، داکتر، نرس و کارگر‌ شفاخانه‌ی افغان‌جاپان را لت‌و‌کوب کرده‌اند.

به گفته وحیدالله مجروح بسته‌گان بیمار شش نفر بودند.

معین عرضه خدمات صحی وزارت صحت عامه، شب گذشته (چارشنبه ۱۷ ثور) در صفحه‌ی فیسبوکش از این موضوع خبر داده گفته است که بسته‌گان این بیمار، داکتر، نرس و کارگر این شفاخانه را لت‌و‌کوب و سر و صورت شان را با خون آغشته کردند.

بیمار جان‌باخته، مردى کهن سالی بوده که ناوقت شب گذشته به شفاخانه آورده شده و هنگام بستری شدن در وخیم ترین حالت ممکن بوده است.

آقای مجروح گفته است که پایوازان بیمار هنگامى بر طبیب شفاخانه هجوم آوردند که او مشغول درمان بیمار بود.

معین عرضه خدمات صحی وزارت صحت عامه به شدت از این رویداد انتقاد کرده گفته است که این پاداش جانفشانى چپن سپیدان وطن نیست،